Chantos na chaira

22/12/2014

Nova lei do IVE para contidos dixitais contribúe ao monopolio de Amazon

Coa idea de facer que Amazon pague en cada país da Unión Europea o IVE que lle corresponde a cada comprador segundo onde resida, entra en vigor a partir do 1 de Xaneiro unha nova normativa. En teoría, faise a petición dos minoristas europeos que se queixaban da competencia desleal por parte dunha empresa centralizada en Luxemburgo, a que só se lle gravaba cun 3%.
Na práctica, está a se favorecer o monopolio de Amazon respecto das pequenas distribuidoras. Varios autores aos que lles compraba directamente documentos en pdf acaban de anunciar que deixarán de vender a clientes europeos, xa que non poden asumir o papeleo de se dar de alta en cada estado da UE para pagar trimestralmente o IVE de cada un. Ou sexa, que haberá que pasar polo aro de Amazon, que si ten loxística para iso.

Edito para engadir o enlace dun artículo que o explica mellor ca min:
http://jmalarcon.es/post/El-IVA-en-2015-un-palo-mas-en-la-rueda-de-los-emprendedores-digitales.aspx

http://www.tecnoxplora.com/empresas/amazon-cobrara-iva-cuando-compres-ebook-pero-2015_2014021300343.html

http://www.actualidadeditorial.com/europa-iva-ebooks-nueva-directiva/

http://conexion.publidisa.com/2012/07/18/la-subida-del-iva-destroza-la-estrategia-editorial-de-vender-e-books%C2%B4mas-baratos/

http://cultura.elpais.com/cultura/2014/06/26/babelia/1403785056_602371.html

30/11/2014

Galicia para cruceiristas

No foro de maruxas americanas que sigo atopei o link destoutro, unha rede social onde comparten experiencias guiris de todo o mundo, con consellos para viaxaren en cruceiro. Picoume a curiosidade e andiven a procurar as opinións que intercambiaban a propósito de Galiza. Haiche xente ben espilidiña polo mundo, e non falo dos turistas, senón das empresas que ofertan excursións sen respaldo legal. Guías sen licenza que se publicitan finxíndose xubilados de California. E algún xornalista blogueiro. E algunha web que ten a Torre de Hércules como monumento menos valorado da Coruña, e unha lista de atractivos ben limitada para Compostela. E algún peregrino organizado ou organizada. Mundiños estes.

11/11/2014

Costa da Morte

O itinerario sae da Coruña pola autovía de Carballo (AG 55) que continúa pola estatal N-552, pero imos apartar en Coristanco cara Santa Catalina/Santa Comba para achegármonos á costa pola AC-400, unha estrada secundaria en moi bó estado, con grandes tramos rectos e, sobre todo, unha grande riqueza paisaxística. Pasado Pino do Val comezamos a enxergar a liña de costa, e por entre as eólicas de Paxareiras albiscaremos cabalos selvaxes pacendo entre os toxos e piñeiros.

Falta pouco para chegarmos á vila mariñeira de Muros, co seu porto e as estreitas rúas que soben cara a igrexa de San Pedro. Levamos xa hora e media de coche, é tempo de dar un paseo.

De Muros a Fisterra seguramente faremos algunha parada, se cadra en Louro, Carnota ou o Pindo.

En Fisterra cómpre pasear polo peirao (hai un tasco enxebre no que non desboto tomar un bocadillo de luras) e camiñar até o faro.

Segundo como se presenta o día (meteoroloxicamente falando), hai dous percorridos que me gustan para seguir un tramo da costa. Un deles sae de Fisterra pola praia do Rostro, Lires, Nemiña, Touriñán, a punta da Voutra e Muxía. Hai unha pista asfaltada. O outro percorrido consistiría en ir de Muxía a Camelle por Camariñas, Cabo Vilán, Cemiterio dos Ingleses, Praia do Trece e Arou. Aínda e máis enxebre, pero hai dez anos que non vou e a pista que lembro non estaba asfaltada.
Nesta altura do ano, o lusco-fusco comeza ás 6:00 da tarde, así que daría tempo a ver pouco máis.

09/10/2014

Grand Illusion 2014 Mystery Quilt

Fabric choices

Clue #1: http://quiltville.blogspot.com/2014/11/grand-illusion-part-1.html

Link-up #1: http://quiltville.blogspot.com/2014/12/mystery-monday-link-up-part-1.html

Clue #2: http://quiltville.blogspot.com/2014/12/grand-illusion-part-2.html

Link-up #2: http://quiltville.blogspot.com/2014/12/mystery-monday-link-up-part-2.html

Clue #3: http://quiltville.blogspot.com/2014/12/grand-illusion-part-3.html

Link-up #3: http://quiltville.blogspot.com/2014/12/mystery-monday-link-up-part-3.html

First 3 clues:

Clue #4: http://quiltville.blogspot.com/2014/12/grand-illusion-part-4.html

Link-up #4: http://quiltville.blogspot.com.es/2014/12/mystery-monday-link-up-part-4.html

Clue #5: http://quiltville.blogspot.com.es/2014/12/grand-illusion-part-5.html

Link-up: http://quiltville.blogspot.com.es/2014/12/mystery-monday-link-up-part-5.html

Reveal: http://quiltville.blogspot.com.es/2015/01/grand-illusion-finale.html

Link-up #6: http://quiltville.blogspot.com.es/2015/01/mystery-monday-link-up-part-6.html

Haven't sewn any of the units together yet, just cut the aqua cornerstones to get an idea of the block looks with my fabric choices:

Simulation of quilt top by copy-pasting the pic above:

04/07/2014

Lego

Chegoume ao correo unha campaña de Greenpeace para reclamarlle á empresa LEGO que deixe de promocionar nos seus xoguetes a imaxe da petroleira Shell, a causa dos proxectos de prospección no Ártico. Como se o de Shell non viñese de atrás, co mangoneo que se trae en África Occidental, por exemplo.

O motivo deste post, porén, é outro. LEGO non é o que era. Fiquei horrorizada este Nadal, cando procuraba agasallos para a familia. Os seus produtos favorecen cada vez mais o sexismo, con kits de castelos/princesas en caixas rosa para as nenas, kits de exploradores e bombeiros para os nenos, en caixas azuis. Mirando a sua web o primeiro que destacan son as comercialadas baseadas en películas e videoxogos de imaxe propietaria, instando ao consumismo. Nada que eu queira fomentar nas próximas xeracións.

23/03/2014

Primavera ou engano?

Florearon os bulbos e están a nacer os chícharos pero... Van durmir coa manta térmica por se acaso.

03/03/2014

De tradutores automáticos na prensa galega (2)

Despois do da Padiola Parker_Bowles no Faro de Vigo, entra a concurso a alerta meteorolóxica en Galiciae. Será consecuencia da denuncia que @prolinguagalega fai da recomendación da RAE a propósito da dobre toponimia?

A ver se dou cunha versión galega do Google Earth que dea localizado a vila de Agarimo (ou Tenderness en versión inglesa). Na que teño instalada sáeme como Cariño.