11/12/2008

Mundo universitario (I): opacidade

Inicio esta nova serie, xa non sobre a docencia senón sobre a relación da Universidade coa sociedade.

Alén dos estudos regrados, esta institución alberga, apoia ou dá soporte a unha grande cantidade de cursos e seminarios das máis diversas temáticas. Cabe preguntarse cal é o obxetivo destes (recadatorio, curricular, de captación de subvencións) cando sistemáticamente se publicitan de xeito aleatorio, errático e ineficiente.

Sendo alumna da USC, hai algúns eventos que se me comunican por correo electrónico. Son os menos. Con ocasión dun espectáculo auspiciado pola propia universidade, adherín a unha lista de correo especial na que me informan dalgunhas actividades culturais do Campus de Lugo. Con todo, aínda hai moitas conferencias, cursos ou seminarios dos que a información me chega a posteriori.

Fala Xosé Manuel González dun muro nas Pedreiras. Se os que en teoría estamos vencellados á universidade somos tan alleos ao que sucede nela, que será do resto da cidadanía, conscientemente apartada do privilexio da información!

2 comentários:

xOsedorrio disse...

A Universidade é un bulir de ideas contínuo, e as ideas é algo que a clase dirixente deste país lle da medo... pero non sempre va ser así, iso agardo!

Anónimo disse...

Compatriota chairega... Polo menos no Câmpus de Lugo informam-vos, ainda que seja tarde!

Hoje cumpre-se um ano da última vez que mirei o meu correio da USC. Entro agora mesmo mirar... e nada, só as mesmas mensagens da última vez, essencialmente histórias de bolseiro (:P), publicidade das empresas que patrocinam a USC, propaganda de algum máster de preço proibitivo (o qual quase é um pleonasmo)

Realmente é triste e lamentável, como também o é que o Xornal da USC (http://www.usc.es/gl/xornal/index.action) nem tenha opções de boletim nem fluxos RSS nem similar. Para isso que montem um blogue, que sempre será mais usável! :P