Ules a madeira noble e pecho os ollos
para que me cinga o teu perfume feito brazos
ou hedra, a túa coroa,
vermello deus espido baixo do manto.
En tanto que eu percorro as túas veigas
o pelo préndeseme nas flores. Mesmo
esquezo os marcos e soño que te aloumiño
como orballo.
Fálasme ao ouvido e pecho os ollos
para mais verte e que te escoite a alma.
E entón, no amor, eu canto.
Teresa Cuíñas
Sem comentários:
Enviar um comentário